عراق ایران اور امریکا کے درمیان پل بننے کو تیار، اہم معاہدے کی کوششیں تیز -

عراقی وزیراعظم کے سکیورٹی مشیر قاسم الاعرجی نے کہا ہے کہ عراق ایران اور امریکا کے درمیان رابطے کا ذریعہ بننے کی کوشش کر رہا ہے۔ انہوں نے کہا کہ بغداد دونوں ممالک کے درمیان ایک ایسے معاہدے کی راہ ہموار کرنا چاہتا ہے جو پورے خطے کے حقوق اور مفادات کو یقینی بنائے۔

قاسم الاعرجی نے الجزیرہ کو دیے گئے ایک حالیہ انٹرویو میں عراق کی سفارتی کوششوں پر بات کی۔ انہوں نے کہا کہ عراق کے ایران اور امریکا دونوں کے ساتھ اچھے تعلقات ہیں۔ ان کے مطابق بغداد ان تعلقات کو استعمال کرتے ہوئے دونوں ممالک کے درمیان پل کا کردار ادا کرنا چاہتا ہے۔ عراقی سکیورٹی مشیر نے کہا کہ عراق ایران اور امریکا کے درمیان بات چیت آگے بڑھانا چاہتا ہے۔

قاسم الاعرجی نے کہا کہ عراق ایسا معاہدہ چاہتا ہے جو صرف ایران اور امریکا تک محدود نہ ہو۔ ان کے مطابق کسی بھی معاہدے میں پورے خطے کے مفادات اور حقوق کو بھی مدنظر رکھا جانا چاہیے۔ انہوں نے کہا کہ خطے میں پائیدار امن کے لیے سفارتی رابطے اور بات چیت ضروری ہیں۔