بھارتی ریاست ہریانہ میں بھارتی فوج کی ایک کشتی حادثے کا شکار ہوگئی۔ حادثہ جمنا نگر کے قریب ہتھنی کنڈ بیراج پر پیش آیا۔ کشتی تیز پانی کے بہاؤ اور بھنور کی زد میں آکر الٹ گئی۔ حادثے کے نتیجے میں دو فوجی اہلکار لاپتا ہوگئے۔ تین دیگر اہلکاروں کو بحفاظت نکال لیا گیا۔
میڈیا رپورٹس کے مطابق حادثہ گزشتہ روز پیش آیا۔ کشتی میں بھارتی فوج کے اسپیشل فورسز یونٹ 1 پیرا کے اہلکار سوار تھے۔ کشتی بیراج کے سلائس گیٹس کے قریب پہنچی تو تیز بہاؤ کی زد میں آگئی۔ شدید بھنور کے باعث کشتی اپنا توازن برقرار نہ رکھ سکی۔ اس کے بعد کشتی الٹ گئی۔
کشتی میں موجود تین اہلکاروں نے لائف جیکٹس پہن رکھی تھیں۔ لائف جیکٹس کی مدد سے تینوں اہلکار پانی سے نکلنے میں کامیاب ہوگئے۔ انہیں محفوظ مقام پر منتقل کر دیا گیا۔ تاہم، ناہن میں قائم ایک فوجی یونٹ سے تعلق رکھنے والے دو اہلکار لاپتا ہیں۔
لاپتا اہلکاروں کی تلاش کے لیے بڑے پیمانے پر سرچ آپریشن جاری ہے۔ بھارتی فوج اور فضائیہ کی ٹیمیں کارروائی میں حصہ لے رہی ہیں۔ نیشنل ڈیزاسٹر ریسپانس فورس بھی آپریشن میں شامل ہے۔ ریاستی ڈیزاسٹر ریسپانس فورس، پولیس اور سول انتظامیہ بھی تلاش میں تعاون کر رہی ہیں۔
About The Author
