غزہ پٹی میں 70 بچوں سمیت 100 فلسطینیوں کی اجتماعی نماز جنازہ ادا کی گئی۔ بعد ازاں تمام میتوں کی اجتماعی تدفین کردی گئی۔ عرب میڈیا کے مطابق نماز جنازہ غزہ شہر کے مشرقی علاقے زیتون میں ہوئی۔ یہ افراد غزہ میں جاری بمباری سے متاثرہ علاقوں سے برآمد ہوئے تھے۔
عرب میڈیا رپورٹس کے مطابق ملبے سے سینکڑوں لاشیں نکالی جاچکی ہیں۔ رپورٹس میں بتایا گیا ہے کہ اب تک تقریباً 800 سے 900 لاشیں برآمد ہوئی ہیں۔ یہ لاشیں مختلف متاثرہ علاقوں میں عمارتوں کے ملبے سے نکالی گئیں۔
غزہ کے محکمہ شہری دفاع کے مطابق صورتحال اب بھی سنگین ہے۔ محکمے کا کہنا ہے کہ تقریباً 9 ہزار فلسطینیوں کی لاشیں ملبے تلے دبی ہیں۔ امدادی ٹیموں کو متاثرہ علاقوں میں شدید مشکلات کا سامنا ہے۔ ملبے میں موجود افراد تک پہنچنے کے لیے بھاری مشینری اور دیگر وسائل درکار ہیں۔ غزہ میں مسلسل جاری تباہی کے باعث لاشوں کی تلاش کا عمل بھی متاثر ہورہا ہے۔
About The Author
