لبنان کے وزیر داخلہ احمد الحجار دو روزہ سرکاری دورے پر پاکستان پہنچ گئے۔ یہ دورہ وفاقی وزیر داخلہ محسن نقوی کی دعوت پر ہو رہا ہے۔اسلام آباد ایئرپورٹ پر وزیر مملکت برائے داخلہ طلال چوہدری نے ان کا استقبال کیا۔اس موقع پر چیف کمشنر اسلام آباد بھی موجود تھے۔آئی جی اسلام آباد نے بھی لبنانی وزیر داخلہ کا استقبال کیا۔
لبنان کے وزیر داخلہ دورے کے دوران پاکستانی قیادت سے ملاقاتیں کریں گے۔ملاقاتوں میں دوطرفہ تعلقات پر تبادلہ خیال ہوگا۔باہمی تعاون کے فروغ سے متعلق امور بھی زیر بحث آئیں گے۔دونوں ممالک کے درمیان مختلف شعبوں میں تعاون پر بھی بات ہوگی۔
دورے کے دوران باہمی تعاون کو مزید وسعت دینے پر بات چیت متوقع ہے۔مختلف شعبوں میں روابط مضبوط بنانے کے امکانات بھی زیر غور آئیں گے۔دورہ پاکستان اور لبنان کے تعلقات کو مزید آگے بڑھانے کی کوششوں کا حصہ ہے۔
About The Author
