افغانستان نے کوہاٹ میں پولیس کمپاؤنڈ کی مسجد میں نمازِ جمعہ کے دوران خودکش حملے کی مذمت کی ہے۔افغان وزارتِ خارجہ کے ترجمان عبدالقہار بلخی نے حملے پر افسوس کا اظہار کیا۔انہوں نے کہا کہ افغانستان مقدس مقامات پر حملوں کو ناقابلِ جواز سمجھتا ہے۔ترجمان نے ایسے حملوں کو قابلِ مذمت قرار دیا۔عبدالقہار بلخی نے جاں بحق افراد کے اہل خانہ سے گہری ہمدردی کا اظہار بھی کیا۔
واضح رہے کہ گزشتہ روز کوہاٹ پولیس لائن کی مسجد میں خودکش حملہ ہوا تھا۔حملہ نمازِ جمعہ کے دوران کیا گیا۔حملے میں 16 پولیس اہلکار اور 6 شہری شہید ہوئے۔پولیس کے مطابق واقعے میں 103 افراد زخمی بھی ہوئے۔زخمیوں میں 73 پولیس اہلکار اور 30 عام شہری شامل ہیں۔واقعے کے بعد سکیورٹی فورسز نے علاقے میں کارروائی کی۔
About The Author
