روس کے مسلم اکثریتی خطے چیچنیا کے سربراہ رمضان قادروف پانچویں مدت کیلئے دوبارہ منتخب ہوگئے ہیں۔روس کے مرکزی انتخابی کمیشن کے مطابق قادروف نے 99.85 فیصد ووٹ حاصل کیے۔ ان کے دونوں حریفوں کو صرف 0.05، 0.05 فیصد ووٹ ملے۔قادروف کے حریفوں میں جسٹس رشیا پارٹی کے اسماعیل دنیلخانوف اور کمیونسٹ پارٹی کے خالد ناکایف شامل تھے۔ دونوں امیدواروں نے انتہائی کم ووٹ حاصل کیے۔
رمضان قادروف 2007 سے چیچنیا کی قیادت کر رہے ہیں۔ وہ روسی صدر ولادیمیر پیوٹن کے قریبی اتحادی سمجھے جاتے ہیں۔موجودہ نتیجہ قادروف کے گزشتہ انتخابی نتائج سے بھی زیادہ ہے۔ انہوں نے 2021 میں 99.7 فیصد ووٹ حاصل کیے تھے۔ 2016 میں ان کا سرکاری ووٹ بینک 97.94 فیصد رہا تھا۔یہ قادروف کا چیچنیا کے سربراہ کے طور پر تیسرا براہِ راست انتخاب ہے۔ تاہم، 2007 سے مسلسل اقتدار میں رہنے کے باعث یہ ان کی پانچویں مدت قرار دی جارہی ہے۔
چیچنیا میں علاقائی سربراہ کا انتخاب روس کے قومی اور علاقائی انتخابات کے ساتھ ہوا۔ ووٹنگ 18 سے 20 ستمبر 2026 تک جاری رہی۔روس کے انتخابی حکام نے قادروف کی کامیابی کا اعلان تمام بیلٹس کی گنتی مکمل ہونے کے بعد کیا۔ تاہم، بین الاقوامی مبصرین ماضی میں چیچنیا کے انتخابی عمل پر تنقید کرتے رہے ہیں۔
About The Author
