اٹلانٹا: بم کی دھمکیاں ملنے کے بعد اٹلانٹا اور جارجیا کے کچھ پولنگ سٹیشنز کو بند کردیا گیا ہے۔ جارجیا میں گزشتہ انتخابات میں بھی تنازع ہوا تھا اور یہاں کے نتائج سولہ دن بعد فائنل ہوئے تھے۔
امریکی میڈیا کے مطابق فلٹن کاؤنٹی پولیس کا کہنا ہے کہ کاؤنٹی جس میں اٹلانٹا بھی شامل ہے کے کچھ مقامات پر بم کی متعدد دھمکیاں ملی ہیں جس کے بعدکچھ پولنگ سٹیشنوں کو بند کردیا گیا ہے۔
پولیس کا کہنا ہے کہ عدالت سے درخواست کریں گے کہ ایسے پولنگ سٹیشن جہاں پولنگ روکی گئی وہاں پولنگ کے لیے اضافی وقت دیا جائے۔
واضح رہے کہ جارجیا وہ ریاست تھی جسے ریپبلکنز نے 2020 کے انتخابات کو الٹانے کی اپنی کوششوں کا مرکز بنایا تھا۔یہ کوشش ناکام رہی تھی لیکن ڈونلڈ ٹرمپ نے جارجیا کے سیکرٹری آف اسٹیٹ کو فون کیا اور ان سے کہا کہ وہ صرف ”انہیں 11,780 ووٹ دیں ”۔ ایسا نہیں ہوا۔
