برطانیہ کی میری ٹائم ٹریڈ آپریشنز نے کہا ہے کہ آبنائے ہرمز سے باہر نکلنے کے راستے پر گامزن ایک آئل ٹینکر پر میزائل حملہ کیا گیا۔ادارے کے مطابق حملے کے نتیجے میں جہاز پر معمولی آگ بھڑک اٹھی۔ حملے کے بعد ٹینکر کی بجلی بھی منقطع ہوگئی۔
میری ٹائم ٹریڈ آپریشنز کے مطابق جہاز پر لگنے والی آگ پر قابو پالیا گیا ہے۔ واقعے کے بعد جہاز کی صورتحال پر نظر رکھی جا رہی ہے۔ادارے نے بتایا کہ حملے کے نتیجے میں عملے کے کسی رکن کے زخمی ہونے کی اطلاع نہیں ملی۔
میری ٹائم ٹریڈ آپریشنز کے مطابق واقعے کے بعد سمندر میں تیل کے اخراج کی بھی کوئی اطلاع نہیں ملی۔ادارے نے کہا کہ اس حوالے سے ماحولیات کو پہنچنے والے نقصان کی بھی کوئی رپورٹ سامنے نہیں آئی۔واقعے کی مزید تفصیلات اور حملے کے ذمہ دار فریق سے متعلق فوری طور پر کوئی تصدیق سامنے نہیں آئی۔
About The Author
