لندن: برطانوی میڈیا کا کہنا ہے اگر ڈونلڈ ٹرمپ امریکا کی تمام درآمدات پر20فیصد ٹیرف لگاتے ہیں توبرطانیہ کو اپنی برآمدات میں 22 بلین پاؤنڈ (79 کھرب روپے)کا نقصان ہو سکتا ہے اور مہنگائی دوبارہ بڑھنا شروع ہو سکتی ہے۔
رپورٹس کے مطابق ممکنہ طور پر برطانیہ کی معیشت کے چند اہم شعبوں فشنگ، پٹرولیم اور مائننگ کی ایکسپورٹ میں پانچواں حصہ کمی آسکتی ہے جبکہ فارماسیوٹیکل اور الیکٹریکل شعبے بھی متاثر ہونگے۔ یہاں تک کہ بعض ایسے شعبے جو خود ایکسپورٹ نہیں کرتے مثلاً ٹرانسپورٹیشن وغیرہ کاروباری سرگرمیوں کے کم ہونے سے متاثر ہو سکتے ہیں۔
البتہ اگر امریکہ چینی مصنوعات پر 60 فیصد ٹیکس لگاتا ہے تو ٹیکسٹائل اور کلوتھنگ کے شعبوں میں امریکا میں مقابلہ کم ہونے سے برطانیہ کو فائدہ ہو سکتا ہے۔صدر ٹرمپ یورپ میں برطانیہ کو پسند کرتے ہیں اور اس کو یورپی یونین سے دور کرنے کیلئے برطانیہ کے ساتھ سہولتوں کا خصوصی دو طرفہ معاہدہ کرسکتے ہیں۔
