اسلام آباد: اسلام آباد میں گزشتہ رات شرپسندوں کی جانب سے گاڑی چڑھانے کے نتیجے میں شہید رینجرز اہلکاروں کی نماز جنازہ چکلالہ گیریژن میں ادا کردی گئی۔
پاک فوج کے شعبہ تعلقات عامہ (آئی ایس پی آر) کے مطابق شہدا کی نماز جنازہ میں وزیراعظم شہبازشریف، آرمی چیف جنرل عاصم منیر، نائب وزیراعظم اسحٰق ڈار، وزیر داخلہ محسن نقوی اور دیگر حکام نے شرکت کی، وزیراعظم اور آرمی چیف نے شہدا کے جنازوں کو کاندھا بھی دیا۔
اس موقع پر وزیراعظم نے کہاکہ پاکستان خونریزی،افراتفری کا متحمل نہیں ہوسکتا، پرتشددکارروائیاں ناقابل قبول اور انتہائی قابل مذمت ہیں۔
انہوں نے کہاکہ پرتشددکارروائیوں پر قانون نافذ کرنے والے اداروں نے تحمل کا مظاہرہ کیا،پوری قوم رینجرز اور پولیس کے شہدا کوخراج عقیدت پیش کرتی ہے۔
