عمران خان کی طرف سے 24 نومبر کی فائنل کال کی ناقص منصوبہ بندی اور پارٹی کے مرکزی رہنماؤں کی احتجاج میں عدم شرکت پر پاکستان تحریک انصاف کے اندر سے آوازیں اٹھنا شروع ہو گئی ہیں،،
فائنل کال کی ناکامی کے بعد پی ٹی آئی سے پہلا استعفی آ گیا،، سیکریٹری جنرل پی ٹی آئی سلمان اکرم راجہ مستعفی ہو گئے،،
پی ٹی آئی ذرائع کے مطابق سلمان اکرم راجہ نے استعفیٰ ذاتی وجوہات پر دیا ہے۔ سلمان اکرم راجہ نے استعفیٰ پارٹی قیادت کو بھجوادیا ہے۔
چیئرمین پی ٹی آئی بیرسٹر گوہر نے سلمان اکرم راجہ کے استعفےکی تصدیق کردی ہے۔
خیال رہےکہ بانی پی ٹی آئی عمران خان نے ستمبر میں ہی سینئر وکیل سلمان اکرم راجہ کو پارٹی کا جنرل سیکرٹری مقرر کیا تھا۔
پی ٹی آئی کے حالیہ احتجاج میں سرگرم کردار ادا نہ کرنے پر سلمان اکرم راجہ کو سخت تنقید کا سامنا تھا۔
