راولپنڈی : سپاہی سوار محمد حسین شہید نشان حیدر کی 53 ویں برسی آج منائی جارہی ہے، چیئرمین جوائنٹ چیفس آف اسٹاف کمیٹی، سروسز چیفس اور مسلح افواج نے خراج عقیدت پیش کیا ہے۔
سوارمحمد حسین شہید پنجاب کے علاقے گوجر خان کے قریب ڈھوک پیر بخش میں 18 جون 1949 کو پیدا ہوئے، 10دسمبر 1971ء کو جام شہادت نوش کیا۔ جس وقت سوار محمد حسین کی شہادت ہوئی ان کی عمر محض 22 سال اور 6 ماہ تھی۔
آئی ایس پی آر کے مطابق 1971 کی جنگ میں سوار محمد حسین شہید نے بےمثال جرات کا مظاہرہ کیا۔ دشمن کے 16 ٹینک تباہ کرنےمیں کردار ادا کیا تھا۔
سوار محمد حسین نے فرض کی ادائیگی کےدوران دشمن کی مشین گن کی گولی لگنے سےجام شہادت نوش کیا۔
جانوں کا نذرانہ پیش کرنے والے بہادر بیٹوں کو قوم خراج عقیدت پیش کرتی ہے۔
