اسلام آباد: سپریم کورٹ آف پاکستان نے رکن قومی اسمبلی عادل بازئی کو ڈی سیٹ کرنے کا فیصلہ کالعدم قرار دے دیا۔
عادل بازئی کی اپیل پر سماعت جسٹس منصور علی شاہ کی سربراہی میں 3 رکنی بینچ نے کی۔
سپریم کورٹ نے عادل بازئی کی اپیل منظور کر لی۔عدالت نے اپنے حکم میں کہا ہے کہ تفصیلی فیصلہ بعد میں جاری کیا جائے گا۔
سپریم کورٹ کے فیصلے کے بعد الیکشن کمیشن نے رکن قومی اسمبلی عادل خان بازئی کو ڈی نوٹیفائی کرنے کا نوٹیفکیشن معطل کر دیا۔
الیکشن کمیشن نے کہا ہے کہ این اے 262 سے عادل بازئی کو ڈی نوٹیفائی کرنے کا نوٹیفکیشن سپریم کورٹ کا حتمی فیصلہ آنے تک معطل کیا گیا ہے۔
