بیلاروس کی سرحد کے قریب چار امریکی فوجی لاپتہ ہو گئے جب ان کی بکتر بند گاڑی پانی میں ڈوبی ہوئی پائی گئی۔ حکام نے بدھ کے روز تصدیق کی کہ ان فوجیوں کی تلاش کے لیے امریکی اور لتھوانیا کی فوجی اور سویلین ایجنسیوں کا مشترکہ آپریشن جاری ہے۔
لاپتہ فوجی 1st بریگیڈ، 3rd انفنٹری ڈویژن کے تحت ایک ٹیکٹیکل ٹریننگ مشن میں حصہ لے رہے تھے۔فوجی مشق Pabrade کے قریب ایک فوجی تربیتی علاقے میں ہو رہی تھی۔M88 بکتر بند ریکوری گاڑی پانی میں ڈوبی ہوئی ملی، جس کے بعد بازیابی کا آپریشن شروع کیا گیا۔
لتھوانیا کے وزیر دفاع ڈویلے شاکالینی نے گہری تشویش کا اظہار کیا اور کہا کہ طبی ٹیمیں ہائی الرٹ پر ہیں۔امریکی فوج کی یورپ اور افریقہ کمانڈ کی مدد سے بچاؤ کی کوششیں جاری ہیں۔لتھوانیا میں امریکی فوجی موجودگی آپریشن اٹلانٹک ریزولو کا حصہ ہے، جو 2014 میں روس کے کریمیا پر قبضے کے بعد نیٹو دفاع کو مضبوط بنانے کے لیے شروع کیا گیا تھا۔
About The Author
