بھارت کو میدان جنگ میں عبرتناک شکست کے بعد اب پاکستان نے سفارتی میدان میں بھی بھارت کو ناکوں چنے چبوا دیئے ہیں۔۔
انڈونیشیا کے دارالحکومت جکارتہ میں منعقدہ اسلامی تعاون تنظیم (OIC) کی رکن ریاستوں کی پارلیمانی یونین کا 19ویں اجلاس منعقد ہوا۔۔
بھارت کے مقبوضہ جموں و کشمیر میں جاری ظلم و ستم کی شدید مذمت پر مبنی تین قراردادیں متفقہ طور پر منظور کی گئیں۔
جکارتہ میں ہونے والے اجلاس میں پاکستان کے مسئلہ کشمیر پر غیر متزلزل عزم کو بھرپور طریقے سے سراہتے ہوئے ایک نمایاں سفارتی کامیابی کو یقینی بنایا۔
بھارت کے زیرِ قبضہ جموں و کشمیر میں جاری انسانی حقوق کی سنگین خلاف ورزیوں کے خلاف تین مضبوط اور متفقہ قراردادوں کی منظوری نے دنیا کو یہ واضح پیغام دیا ہے کہ امتِ مسلمہ مظلوم کشمیری عوام کے ساتھ کھڑی ہے۔
یہ بین الاقوامی اتفاقِ رائے، پاکستان کی مؤثر سفارت کاری اور انتھک کوششوں کا نتیجہ ہے، جس نے مسئلہ کشمیر کو ایک بار پھر عالمی منظرنامے پر اجاگر کیا ہے۔
او آئی سی کا یہ دوٹوک مؤقف بھارتی قبضے کے تحت کشمیری عوام کو درپیش مظالم کو بے نقاب کرتا ہے اور ان کے ناقابلِ تنسیخ حقِ خودارادیت کو تسلیم کرتا ہے۔
اس سے بھی زیادہ اہم بات یہ ہے کہ جکارتہ اعلامیہ جو امتِ مسلمہ کی مشترکہ آواز ہے، کے آرٹیکل 10 میں مسئلہ کشمیر کے حل کو کشمیری عوام کی امنگوں اور اقوام متحدہ کی سلامتی کونسل کی قراردادوں کے مطابق یقینی بنانے پر زور دیا گیا۔
یہ اعلامیہ پاکستان کے اصولی مؤقف کی ایک واضح تائید ہے، جو بھارت کے یکطرفہ اور غیرقانونی اقدامات کو مسترد کرتا ہے۔
یہ سفارتی کامیابی محض علامتی نہیں بلکہ حقیقی اور حکمت عملی پر مبنی ہے۔ یہ نہ صرف پاکستان کے بین الاقوامی مؤقف کو مضبوط بناتی ہے بلکہ بھارت کی قابضانہ پالیسیوں کو بے نقاب کرتی ہے اور دنیا کی توجہ ایک طویل ترین حل طلب تنازعے کی طرف دوبارہ مبذول کرواتی ہے۔
پاکستان نے ایک بار پھر ثابت کر دیا ہے کہ استقامت، اتحاد اور اصولی سفارت کاری کے ساتھ، انصاف کی آواز دنیا کے ہر فورم پر گونجے گی۔
جکارتہ میں PUIC کا اجلاس پاکستان کی موثر خارجہ پالیسی کا مظہر اور کشمیری عوام کی آزادی اور وقار کی جدوجہد کی
About The Author
