نئی دہلی: بھارتی وزیراعظم نریندر مودی کے مظالم سے تنگ آ کر بھارتی سکھ برادری نے عالمی سطح پر انصاف کا مطالبہ کرتے ہوئے مودی کو عالمی عدالت کے کٹہرے میں لانے کا عزم ظاہر کیا ہے۔ سکھ برادری نے کہا ہے کہ مودی قتل اور دیگر سنگین جرائم میں ملوث ہے،اسے پھانسی کی سزا دلوائیں گے۔
بھارتی سکھوں نے مودی کو دنیا کا سب سے بڑا چال باز قرار دیتے ہوئے کہا کہ انہوں نے اپنے مذموم مقاصد کے حصول کے لیے بے شمار قتل کروائے ہیں۔ مودی نے اُن لوگوں کا قتل کروایا جنہوں نے اس کے خلاف آواز اٹھائی ۔تین ججوں اور بہت سے افسروں کو مودی نے قتل کروایا ۔
سکھ برادری کا کہنا ہے کہ مودی نے متعدد افسران کا تبادلہ کروایا تاکہ وہ کام نہ کر سکیں۔ انہوں نے مودی کو قاتل قرار دیتے ہوئے کہا کہ مودی نے بے شمار قتل کیے ہیں۔
سکھ برادری نے پلوامہ حملے سمیت بھارت میں ہونے والے تمام حملوں کا ذمہ دار بھی مودی کو ٹھہرایا ہے۔ انہوں نے کہا کہ مودی اپنے مذموم عزائم اور بین الاقوامی سطح پر اپنی ساکھ بچانے کے لیے مسلسل جھوٹ کا سہارا لے رہا ہے۔
دفاعی ماہرین نے بھی سکھ برادری کے ان الزامات کی تائید کرتے ہوئے کہا ہے کہ مودی اپنے مذموم عزائم کے حصول کے لیے ہر حد پار کر سکتا ہیں۔ انہوں نے عالمی برادری سے مطالبہ کیا کہ وہ مودی کے ان جرائم کا نوٹس لے اور اسے انصاف کے کٹہرے میں لایا جائے۔
