عام صارفین اور تاجروں کے لیے بینک اکاؤنٹ کھولنے کو مزید آسان بنانے کیلئے اسٹیٹ بینک نے جامع فریم ورک متعارف کروا دیا۔۔
اسٹیٹ بینک نے بینکوں کو ہدایت کی ہے کہ وہ تاجروں کو ادائیگیوں کے ڈیجیٹل طریقے فراہم کریں۔۔ نئے فریم ورک کا مقصد اکاؤنٹ کھولنے کا عمل آسان اور معیاری بنانا اور دستاویزات کے تقاضوں کو معقول بنانا ہے۔۔
اسٹیٹ بینک نے بینکوں سے کہا ہے کہ عام صارفین کے نئے بینک اکاؤنٹ کھولنے میں دو دن سے زیادہ کا وقت نہ لیا جائے۔۔ صارفین کے پاس اپنی درخواستوں کو ٹریک کرنے کی سہولت بھی ہونی چاہیے جس سے یہ عمل شفاف اور صارف دوست بن جائے گا
کسٹمر آن بورڈنگ کا عمل مزید آسان، محفوظ اور موثر بنا دیا گیا ہے۔۔ اب صارفین تمام اقسام کے اکاؤنٹس آن لائن کھول سکیں گے۔۔
اسٹیٹ بینک کے مطابق بینک تمام تاجروں کوڈیجیٹل ادائیگی قبول کرنے والے کم از کم ایک طریقے سے ضرور متعارف کروائیں۔۔ یہ اقدامات مالی شمولیت کو بڑھانے اور صارفین کے لیے سہولتیں بہتر بنانے کی کوششوں کا تسلسل ہیں۔۔
یہ اقدامات بینکنگ سٹم سے باہر افراد اور تاجروں کو نظام میں شامل کرنے اور نقد ادائیگیاں ڈجیٹلائز کرنے کا ماحول بہتر بنائیں گے۔۔
