خیبرپختونخوا کے ضلع کرک میں سیکیورٹی فورسز کے آپریشن میں فتنہ الخوارج کے 17 دہشتگرد ہلاک ہوگئے۔
ڈی پی او شہباز الہیٰ کا کہنا ہے کہ کرک کے علاقے درشہ خیل میں کالعدم ٹی ٹی پی ملا نزیر گروپ کے خوارجیوں کی موجودگی کی مصدقہ اطلاع پر آپریشن کیا گیا، سیکورٹی فورسز کے ساتھ جھڑپ میں 17 خوارجی ہلاک ہوگئے جبکہ 3 جوان معمولی زخمی ہوگئے۔
علاقے میں 22 خوارجیوں کی موجودگی کی اطلاع پر آپریشن جاری ہے،مزید ہلاکتوں کا خدشہ ہے، صورتحال کے پیش نظر درشہ خیل اور قریبی دیہات میں کرفیو نافذ کردیا گیا۔
ڈی پی او شہباز الہیٰ کا کہنا ہے کہ آج 2 بجے تک گھروں سے نہ نکلیں، پولیس اور سیکیورٹی فورسز سے تعاون کریں، امن کے دشمنوں کو چھپنے کی جگہ نہیں ملے گی۔
