پاکستان شوبز انڈسٹری کی مقبول ترین اسٹار جوڑی دانش تیمور اور عائزہ خان ان دنوں روحانی سفر پر گامزن ہیں۔ طویل عرصے تک مصروف شیڈول میں کام کرنے کے بعد دونوں نے کچھ وقت نکال کر سعودی عرب کا رخ کیا، جہاں انہوں نے عمرہ ادا کیا اور مدینہ منورہ کی حاضری بھی دی۔
دانش تیمور اور عائزہ خان نے مکہ مکرمہ سے اپنی تصاویر سوشل میڈیا پر شیئر کیں، جن میں دونوں نہایت پُرسکون، مطمئن اور روحانی کیفیت میں نظر آ رہے ہیں۔ ان تصاویر کو مداحوں کی جانب سے بے حد سراہا جا رہا ہے جبکہ کمنٹس میں ان کے لیے دعاؤں اور نیک خواہشات کا سلسلہ بھی جاری ہے۔
ایک دہائی سے زائد عرصہ قبل رشتۂ ازدواج میں منسلک ہونے والی یہ جوڑی آج نہ صرف کامیاب اداکاروں میں شمار ہوتی ہے بلکہ دو خوبصورت بچوں کی والدین بھی ہے۔ کیریئر کے اتار چڑھاؤ کے باوجود دانش اور عائزہ کی مقبولیت میں کمی نہیں آئی اور دونوں آج بھی شوبز انڈسٹری کے نمایاں نام سمجھے جاتے ہیں۔
رمضان المبارک سے قبل 2026 میں ادا کیے گئے اس روحانی سفر کی جھلکیاں سوشل میڈیا پر تیزی سے وائرل ہو رہی ہیں، جہاں مداح محبت بھرے پیغامات اور دعاؤں کے ذریعے اس جوڑی سے اپنی وابستگی کا اظہار کر رہے ہیں۔
About The Author
