واشنگٹن ڈی سی — سکھ تنظیم Sikhs for Justice نے اعلان کیا ہے کہ وہ غزہ سے متعلق قائم کیے گئے Board of Peace کے پہلے سرکاری اجلاس کیلئے ایک ارب ڈالر فراہم کرے گی۔
امریکہ بھر سے سکھ برادری کے سینکڑوں افراد دارالحکومت میں جمع ہوئے جہاں انہوں نے امن، اتحاد اور اپنے سیاسی مطالبات کے حق میں مظاہرہ کیا۔ مظاہرین نے غزہ کے تنازع کی طرح خالصتان کے مسئلے کو بھی ایک حل طلب سیاسی تنازع قرار دیتے ہوئے سفارتی اور جمہوری حل پر زور دیا۔
مظاہرین کی جانب سے امریکی صدر Donald Trump سے مطالبہ کیا گیا کہ وہ بھارتی وزیراعظم Narendra Modi سے براہِ راست بات کریں اور بھارتی زیر انتظام پنجاب میں امریکی محکمہ خارجہ کی نگرانی میں آزادی کا ریفرنڈم کروانے کیلئے کردار ادا کریں۔
تنظیم کے جنرل کونسل Gurpatwant Singh Pannun نے دعویٰ کیا کہ خالصتان ریفرنڈم کے حامی سکھ نوجوانوں کو مبینہ جعلی مقابلوں میں نشانہ بنایا جا رہا ہے جبکہ ہزاروں افراد کو سیاسی بنیادوں پر گرفتار کر کے گینگسٹر قرار دیا گیا۔ ان کا کہنا تھا کہ کسی بھی ممکنہ تصادم سے پہلے ایک پرامن اور نگرانی شدہ ریفرنڈم ہی مسئلے کا جمہوری حل ہے۔
مظاہرین نے اس بات پر زور دیا کہ ان کا مقصد تشدد کے بغیر جمہوری طریقے سے آزادی حاصل کرنا اور بورڈ آف پیس کا حصہ بن کر اپنے مؤقف کو عالمی سطح پر اجاگر کرنا ہے۔
ماہرین کے مطابق یہ پیش رفت امریکی سیاسی حلقوں میں خالصتان کے مطالبے کو نمایاں کرنے اور عالمی توجہ حاصل کرنے کی کوشش ہے، تاہم اس سے بھارت اور امریکہ کے تعلقات پر سفارتی دباؤ بھی پڑ سکتا ہے۔
About The Author
