مومنہ اقبال کی پنجاب حکومت کی تعریف، اگر ایک مریم نواز کراچی بھی آ جائیں تو یہاں کا حال بہتر ہو جائے -

پاکستانی اداکارہ مومنہ اقبال نے پنجاب کی موجودہ صورتحال کو سراہتے ہوئے وزیر اعلیٰ مریم نواز کی کارکردگی کی تعریف کی ہے۔ ان کا ایک ویڈیو کلپ سوشل میڈیا پر وائرل ہو رہا ہے جس میں وہ کہتی نظر آتی ہیں کہ “اس وقت ماشاءاللہ پنجاب کی صورتحال کافی اچھی ہے”۔

کراچی سے متعلق گفتگو

پروگرام کے دوران میزبان فیصل قریشی نے مومنہ اقبال سے کہا کہ وہ کراچی کے لیے بھی کوئی مثبت بات کریں اور حکمرانوں سے اپیل کریں۔ اس پر اداکارہ نے مزاحیہ انداز میں کہا کہ:
“کراچی والوں کا بھی کوئی ہے؟ بتا دے ہمیں، کیونکہ اب میں زیادہ تر کراچی میں رہتی ہوں تو یہ شہر بھی میرا ہی ہوا، مگر یہاں کچھ مسائل کا سامنا ہوتا ہے۔”

انہوں نے ہنستے ہوئے مزید کہا کہ اگر “ایک مریم نواز کراچی بھی آ جائیں تو یہاں کا حال بہتر ہو جائے”۔

سوشل میڈیا پر ردعمل

مومنہ اقبال کے بیان پر سوشل میڈیا صارفین کی جانب سے ملا جلا ردعمل سامنے آ رہا ہے، کچھ صارفین نے ان کے مؤقف کی حمایت کی جبکہ بعض نے اسے طنزیہ اور سیاسی بیان قرار دیا۔