پاکستان سپر لیگ کے گیارہویں ایڈیشن میں Pakistan Super League کے چھٹے میچ کے دوران پیش آنے والے بال ٹیمپرنگ کیس میں Fakhar Zaman کے خلاف دوسری سماعت مکمل کر لی گئی ہے۔
ذرائع کے مطابق میچ ریفری Roshan Mahanama نے کیس کی سماعت کی، جس میں فخر زمان کا مؤقف تفصیل سے سنا گیا۔ سماعت مکمل ہونے کے بعد اب فیصلہ جلد سنائے جانے کا امکان ہے۔
یاد رہے کہ فخر زمان کو لیول تھری آفینس کے تحت چارج کیا گیا تھا، جبکہ پہلی سماعت کے دوران انہوں نے الزامات تسلیم کرنے سے انکار کیا تھا۔
ذرائع کا کہنا ہے کہ اگر الزامات ثابت ہو گئے تو فخر زمان کو ایک سے دو میچز کی پابندی کا سامنا کرنا پڑ سکتا ہے، جو Lahore Qalandars کے لیے بڑا دھچکا ہو سکتا ہے۔
یہ واقعہ Karachi Kings کے خلاف میچ کی دوسری اننگز کے دوران پیش آیا تھا، جس میں امپائرز نے بال کی حالت تبدیل ہونے پر لاہور قلندرز پر پانچ رنز کی پنالٹی بھی عائد کی تھی۔
کرکٹ ماہرین کے مطابق یہ کیس لیگ کے ڈسپلنری سسٹم کے لیے اہم ٹیسٹ بن چکا ہے، اور آنے والا فیصلہ آئندہ میچز میں کھلاڑیوں کے رویے پر بھی اثر انداز ہو سکتا ہے۔
About The Author
