ایران کی پاسدارانِ انقلاب (IRGC) نے سعودی عرب میں واقع پیٹروکیمیکل تنصیبات کو نشانہ بنانے کے بعد ان حملوں کی ذمہ داری قبول کر لی ہے۔ پاسداران کے مطابق یہ کارروائیاں میزائلوں اور ڈرونز کے ذریعے کی گئیں جن میں مبینہ طور پر امریکی کمپنیوں سے منسلک تنصیبات کو ہدف بنایا گیا۔
پاسدارانِ انقلاب کے بیان کے مطابق سعودی عرب کے شہر الجبیل میں موجود تنصیبات پر حملے کیے گئے جہاں امریکی کمپنیوں سے منسلک انفراسٹرکچر کو نشانہ بنانے کا دعویٰ کیا گیا ہے۔ اسی طرح جُعیمہ میں واقع ایک پیٹروکیمیکل کمپلیکس پر بھی حملہ کیا گیا جسے ایک امریکی کمپنی سے منسوب کیا جا رہا ہے۔ بیان میں مزید کہا گیا ہے کہ دیگر کمپنیوں جیسے صدرہ، ExxonMobil اور ڈارک کیمیکلز سے متعلق تنصیبات بھی ان کارروائیوں کا حصہ تھیں۔
پاسدارانِ انقلاب نے ان حملوں کو ایران کے شہر شیراز میں اپنی تنصیبات پر مبینہ حملوں کا ردعمل قرار دیتے ہوئے کہا ہے کہ یہ کارروائیاں جوابی نوعیت کی ہیں۔ ان کا مؤقف ہے کہ یہ اقدامات دفاعی حکمت عملی کے تحت کیے گئے تاکہ بیرونی حملوں کا جواب دیا جا سکے۔
About The Author
