اٹلی کی وزیراعظم جورجیا میلونی نے امریکی صدر ڈونلڈ ٹرمپ کے پوپ لیو سے متعلق بیان کو سخت تنقید کا نشانہ بناتے ہوئے اسے ناقابل قبول قرار دیا ہے۔
جورجیا میلونی نے کہا کہ پوپ لیو کیتھولک چرچ کے سربراہ ہیں اور ان کا کردار دنیا بھر میں امن اور ہم آہنگی کو فروغ دینا ہے۔
انہوں نے مزید کہا کہ پوپ لیو کے لیے یہ ایک فطری امر ہے کہ وہ جنگ کے خلاف آواز بلند کریں اور ہر قسم کے تشدد کی مذمت کریں، کیونکہ یہی ان کے منصب کا تقاضا ہے۔
واضح رہے کہ جورجیا میلونی خود بھی کیتھولک عقیدے سے تعلق رکھتی ہیں اور اٹلی میں دائیں بازو کی حکومت کی قیادت کر رہی ہیں، ایسے میں ان کا یہ بیان مذہبی اور سیاسی دونوں حوالوں سے اہمیت رکھتا ہے۔
About The Author
