آئی ٹی ایف ایشیا انڈر 12 ٹینس: پاکستان فائنل میں پہنچ گیا، بھارت سے ٹاکرا ہوگا -

پاکستان نے آئی ٹی ایف ایشیا انڈر 12 ٹینس ٹورنامنٹ کے فائنل کے لیے کوالیفائی کر لیا ہے، جہاں اب اس کا مقابلہ روایتی حریف بھارت سے ہوگا۔

سیمی فائنل میں پاکستان نے سری لنکا کو 0-2 سے شکست دے کر شاندار کارکردگی کا مظاہرہ کیا۔ قومی ٹیم کی جانب سے محمد آیان اور ابراہیم حسین گل نے نمایاں کھیل پیش کرتے ہوئے اپنی ٹیم کو کامیابی دلائی۔

پہلے سنگلز مقابلے میں محمد آیان نے سیناویراتنے کاشیا کو اسٹریٹ سیٹس میں 3-6 اور 1-6 سے شکست دی۔ دوسرے سنگلز میں ابراہیم حسین گل نے سخت مقابلے کے بعد اکبر زکاریا کو 7-6، 4-6 اور 2-6 سے ہرا کر پاکستان کی فتح یقینی بنائی۔

پاکستانی کھلاڑیوں کی اس جیت کے بعد ٹیم فائنل میں پہنچ گئی ہے، جہاں اب ایک سنسنی خیز مقابلے میں پاکستان اور بھارت کی ٹیمیں آمنے سامنے ہوں گی۔ یہ مقابلہ نہ صرف ٹورنامنٹ کا فیصلہ کن مرحلہ ہوگا بلکہ شائقین ٹینس کے لیے بھی خاص دلچسپی کا باعث بنے گا۔