اقوامِ متحدہ کے سیکریٹری جنرل انتونیو گوتیرس نے لبنان اور اسرائیل کے درمیان ہونے والی جنگ بندی کا خیرمقدم کرتے ہوئے اسے خطے میں امن کے لیے ایک اہم اور مثبت پیش رفت قرار دیا ہے۔
اپنے بیان میں انہوں نے جنگ بندی کے قیام میں امریکا کے کردار کو سراہا اور کہا کہ یہ اقدام کشیدگی میں کمی لانے اور مزید تصادم کو روکنے میں مددگار ثابت ہو سکتا ہے۔
انتونیو گوتیرس نے امید ظاہر کی کہ یہ جنگ بندی نہ صرف فوری تنازع کو روکنے میں معاون ہوگی بلکہ مشرقِ وسطیٰ میں ایک جامع، طویل مدتی اور پائیدار امن کی بنیاد بھی رکھ سکتی ہے۔
انہوں نے تمام متعلقہ فریقین پر زور دیا کہ وہ جنگ بندی کی مکمل پاسداری کریں اور ہر صورت بین الاقوامی قوانین کی پابندی یقینی بنائیں تاکہ امن کی جاری کوششیں کامیابی سے ہمکنار ہو سکیں۔
اقوامِ متحدہ کے سربراہ کا کہنا تھا کہ موجودہ پیش رفت کو ایک موقع کے طور پر استعمال کرتے ہوئے سفارتی عمل کو آگے بڑھانا ناگزیر ہے، تاکہ خطے کو مستقل استحکام کی جانب گامزن کیا جا سکے۔
About The Author
