پاکستانی اداکارہ مومنہ اقبال اور ثاقب چدھڑ کے درمیان جاری تنازع ایک بار پھر شدت اختیار کر گیا ہے، جبکہ دونوں جانب سے الزامات اور جوابی بیانات کا سلسلہ سوشل میڈیا پر توجہ کا مرکز بن گیا ہے۔
میڈیا رپورٹس کے مطابق مومنہ اقبال نے پہلے دعویٰ کیا تھا کہ ثاقب چدھڑ انہیں ہراساں کر رہے ہیں اور شادی کے بعد بھی دھمکیاں دے رہے ہیں۔ اداکارہ حال ہی میں حمزہ حبیب کے ساتھ رشتۂ ازدواج میں منسلک ہوئی ہیں۔
دوسری جانب ثاقب چدھڑ کی جانب سے قانونی کارروائی بھی شروع کی جا چکی ہے۔ ان کے وکیل کے مطابق مومنہ اقبال نے مبینہ طور پر ان سے مالی فوائد حاصل کیے، تاہم ثاقب کو ان کی شادی پر کوئی اعتراض نہیں۔
حالیہ بیان میں ثاقب چدھڑ نے حمزہ حبیب سے متعلق دعویٰ کرتے ہوئے کہا:“حمزہ مجھے بےغیرت کہہ رہا ہے، لیکن وہ آج بھی اُس گاڑی میں سفر کر رہا ہے جو میں نے مومنہ کو تحفے میں دی تھی۔”
اس بیان پر مومنہ اقبال نے Instagram کے ذریعے سخت ردعمل دیا اور طنزیہ انداز اختیار کرتے ہوئے کہا کہ ایسا لگتا ہے جیسے “پورا ملک انہی کے پیسوں پر چل رہا ہے۔” اداکارہ نے مزید لکھا: “پہلے فورچیونر کا دعویٰ کیا، اب میری ایک اور گاڑی پر دعویٰ کر رہے ہیں۔”
مومنہ اقبال نے طنزیہ انداز میں یہ بھی کہا کہ سب کو گاڑیاں دے دینی چاہئیں، “بس لوگ اپنے گردے سنبھال کر رکھیں، کہیں وہ بھی نہ بیچ دیے جائیں۔”
سوشل میڈیا پر دونوں شخصیات کے درمیان جاری لفظی جنگ نے صارفین کی توجہ حاصل کر لی ہے، جبکہ مداح اور صارفین اس معاملے پر مختلف آراء کا اظہار کر رہے ہیں۔
About The Author
