فلسطین اور بالخصوص غزہ کو تباہ کرنے کے بعد اسرائیل نے لبنان پر حملے شروع کئے۔ اسرائیلی حملے میں بندرگاہ کو نشانہ بنایا گیا۔ غیر ملکی خبر رساں ایجنسیوں کے مطابق یمن پر حملے میں درجنوں طیاروں نے حصہ لیا۔ حوثیوں کے ٹھکانوں پر حملے کئے گئے، پاور اسٹیشن میزائل حملے میں تباہ ہو گیا۔ اسرائیلی فوج کے مطابق یمن پر بڑی فضائی کارروائی کی گئی۔ یمن کے شہد حدیدہ کے راس عیسیٰ میں حوثیوں کے اہداف کو نشانہ بنایا گیا۔ اسرائیل کا کہنا ہے یمن کے حوثیوں کا تل ابیب پر حملے کا بھرپور جواب دیا گیا ہے۔ ضرورت پڑی تو مزید کارروائیاں کی جائیں گی۔
حزب اللہ کے سربراہ حسن نصراللہ کو شہید کرنے کے بعد اب اسرائیل کی توجہ یمن پر مرکوز ہو گئی ہے۔ یمن کے شہر حدیدہ کی بندرگاہ پر اسرائیل کے حملے میں 4 افراد شہید ہوئے ہیں۔
لبنان میں شہادتوں کی تعداد 800 سے تجاوز کر چکی ہے،، غزہ میں سات اکتوبر سے اب تک 41 ہزار 586 فلسطینی شہید ہو چکے ہیں جن میں بڑی تعداد بچوں اور خواتین کی ہے
