امریکا نے تقریباً 47 برس بعد شام کو دہشت گردی کی سرپرستی کرنے والی ریاستوں کی فہرست سے خارج کر دیا ہے۔ خبر ایجنسی کے مطابق شامی وزیر خارجہ اسعد حسن الشیبانی نے امریکی فیصلے کا خیر مقدم کیا۔ انہوں نے اسے ایک تاریخی قدم قرار دیا ہے۔
اسعد حسن الشیبانی نے کہا کہ شام کا امریکی فہرست سے اخراج شامی عوام کے لیے اہم پیش رفت ہے۔ انہوں نے کہا کہ یہ فیصلہ شام کے لیے ایک نئے دور کی جانب قدم ہے۔ اس سے ملک کی عالمی سطح پر تنہائی کم کرنے میں مدد مل سکتی ہے۔
شامی وزیر خارجہ نے کہا کہ حکومت عالمی تنہائی کے اثرات ختم کرنے کے لیے کام جاری رکھے گی۔ان کے مطابق شام شفافیت پر مبنی تعلقات کو فروغ دینا چاہتا ہے۔ حکومت باہمی مفادات اور احترام کو بھی اہمیت دے گی۔
About The Author
