پاکستان ویمن ٹیم ایشیا کپ کے فائنل کی دوڑ سے باہر، سری لنکا نے 4 وکٹوں سے ہرا دیا -

ویمن ٹی ٹوئنٹی ایشیا کپ کے دوسرے سیمی فائنل میں سری لنکا نے پاکستان کو شکست دے دی۔ سری لنکا نے 4 وکٹوں سے کامیابی حاصل کرکے فائنل میں جگہ بنالی۔ پاکستان نے پہلے بیٹنگ کرتے ہوئے 20 اوورز میں 5 وکٹوں پر 130 رنز بنائے۔ کپتان فاطمہ ثنا نے شاندار اور ناقابلِ شکست 47 رنز بنائے۔ شوال ظفر نے 24 رنز کی اننگز کھیلی۔ گل فیروزہ نے بھی 21 رنز کا اضافہ کیا۔

سری لنکا کی جانب سے چماری اتاپتو نے دو وکٹیں حاصل کیں۔ چمودی پرودا نے بھی دو پاکستانی بیٹرز کو آؤٹ کیا۔ سگوندیگا کماری نے ایک وکٹ حاصل کی۔ پاکستان نے سری لنکا کو جیت کے لیے 131 رنز کا ہدف دیا۔

سری لنکا نے ہدف 19ویں اوور میں 6 وکٹوں کے نقصان پر حاصل کرلیا۔ ہرشیتھا سمارا وکراما نے 36 رنز کی اننگز کھیلی۔ اس کامیابی کے ساتھ سری لنکا نے فائنل میں جگہ بنالی۔

ویمنز ٹی ٹوئنٹی ایشیا کپ کا فائنل 13 ستمبر کو کھیلا جائے گا۔ فائنل میں بھارت اور سری لنکا کی ٹیمیں آمنے سامنے ہوں گی۔