پنجاب میں فضائی آلودگی میں نمایاں کمی کے بعد ہوٹل اور ریسٹورنٹس رات 10 بجے تک کھولنے اور عام بازار رات 8 بجے تک بند کرنے کے احکامات جاری کر دیئے گئے ہیں،،
پنجاب حکومت نے لاہور اور ملتان کے تعلیمی ادارے بھی کل سے کھولنے کا اعلان کر دیا،، پنجاب کے محکمہ ماحولیات کی جانب سے جاری نوٹی فکیشن کے مطابق صوبے بھر میں تعلیمی ادارے کھولنے کا فیصلہ کر لیا گیا، تمام تعلیمی ادارے 20 نومبر سے کھلیں گے، فزیکل کلاسزکے ساتھ تدریسی عمل بھی بحال ہوگا۔
نوٹی فکیشن میں بتایا گیا ہے کہ اسکول صبح 8 بج کر 45 منٹ سے پہلے نہیں کھلیں گے، طلبہ اور اساتذہ کے لیے ماسک پہننا لازمی قرار دیا گیا ہے۔
اسکولوں میں بیرونی کھیلوں اور ہم نصابی سرگرمیوں پر مکمل پابندی عائد کر دی گئی ہے۔
محکمہ ماحولیات کے مطابق ٹریفک کے دباؤ سے بچنے کے لیے کلاس وائز اسکول کی چھٹی کا وقت متعین کرنے کی ہدایت کی گئی ہے۔
اعلامیے میں مزید کہا گیا تھا کہ غیر نصابی سرگرمیوں کے ساتھ ساتھ آؤٹ ڈور کھیلوں پر ’مکمل پابندی‘ ہوگی، اس کے علاوہ ٹریفک کے ہجوم سے بچنے کے لیے کلاسز کے حساب سے اسکول بند کرنے کے اوقات متعارف کرانا ہوں گے۔
اسموگ کو آفت زدہ قرار دیتے ہوئے 18 اضلاع میں 7 سے 17 نومبر تک سرکاری اور نجی تعلیمی ادارے بند رکھنے کا اعلان کیا تھا جبکہ اسکول 24 نومبر تک بند کرنے کا فیصلہ کیا گیا تھا۔
تاہم اتوار کو لاہور کے ایئر کوالٹی انڈیکس میں معمولی بہتری ہوئی اور 12 دنوں میں پہلی بار انڈیکس 300 کی سطح سے نیچے آیا تھا۔
