Author: Editor

ڈاکار /  مغربی افریقی ملک بینن میں فوج نے آئین معطل کرتے ہوئے اقتدار پر قبضہ کر لیا۔ فوجی اہلکاروں نے سرکاری ٹیلی ویژن پر براہِ راست خطاب میں خود کو ملکی اختیار کا نیا مرکز قرار دیتے ہوئے اعلان کیا کہ تمام ریاستی ادارے تحلیل کر دیے گئے ہیں اور سیاسی جماعتوں کی سرگرمیاں اگلے حکم تک معطل رہیں گی۔ خبر رساں ادارے روئٹرز کے مطابق، درجنوں مسلح اہلکار ٹیلی ویژن پر نمودار ہوئے اور تحریری بیان پڑھ کر سنایا، جس میں کہا گیا کہ فوج بینن کے عوام کے لیے "بھائی چارے، انصاف اور محنت پر مبنی ایک…

میانمار: میانمار کے وسطی علاقے ساگائنگ ریجن کے قصبے تبائین میں فوجی فضائی حملے کے نتیجے میں 18 افراد ہلاک اور متعدد زخمی ہو گئے۔ مقامی حکام اور عینی شاہدین کے مطابق جمعہ کی شام دو بم گرائے گئے، جن میں سے ایک بم مصروف ٹی شاپ پر لگا، جہاں اس وقت بڑی تعداد میں لوگ موجود تھے۔ ٹی شاپ اور قریب موجود کم از کم 12 مکانات مکمل طور پر تباہ ہو گئے۔ امدادی کارکنوں کے مطابق، حملے کے فوراً بعد سات افراد موقع پر ہی جاں بحق ہوئے جبکہ اسپتال میں مزید 11 زخمی دم توڑ گئے۔ ایک…

جکارتہ: انڈونیشیا میں مسلسل مون سون بارشوں اور شدید سیلاب کے نتیجے میں ملک بھر میں تباہی پھیل گئی ہے، اور ہلاکتوں کی تعداد 900 سے تجاوز کر گئی ہے۔ ڈیزاسٹر مینجمنٹ ایجنسی کے مطابق سیلاب اور لینڈ سلائیڈنگ نے نقل و حمل کے بنیادی نظام کو تباہ کر دیا ہے، اور متعدد علاقوں میں خوراک کی شدید قلت پیدا ہو گئی ہے، جس سے مزید ہلاکتوں کا خدشہ ہے۔ جنوب مشرقی اور جنوبی ایشیا کے دیگر ممالک بھی طوفان اور بارشوں سے متاثر ہیں۔ ایک ہفتے کے دوران انڈونیشیا، سری لنکا، ملائیشیا، تھائی لینڈ اور ویتنام میں مجموعی طور…

سوڈان میں خانہ جنگی ایک اور ہولناک موڑ اختیار کر گئی ہے جہاں ریپڈ سپورٹ فورس (RSF) نے جنوبی کردفان کے کالوگی علاقے میں شہری آبادی کو نشانہ بناتے ہوئے کم از کم 116 افراد کو قتل کر دیا، جن میں 46 بچے شامل ہیں۔ کالوگی کے ایگزیکٹو ڈائریکٹر نے الجزیرہ سے بات کرتے ہوئے بتایا کہ ہلاک ہونے والے بچوں کی بڑی تعداد اس وقت پری اسکول میں موجود تھی۔ سوڈانی مسلح افواج کے دو علیحدہ ذرائع نے تصدیق کی کہ آر ایس ایف نے کنڈرگارٹن پر حملہ کیا اور امداد کیلئے پہنچنے والے شہریوں کو بھی نشانہ بنایا۔…

قطری وزیراعظم شیخ محمد بن عبدالرحمٰن الثانی نے کہا ہے کہ غزہ میں جنگ بندی کے حوالے سے ہونے والے مذاکرات نہایت حساس مرحلے میں داخل ہو چکے ہیں اور ثالثی فریق فائر بندی کے اگلے مرحلے کی طرف پیش رفت کے لیے سرگرم ہیں۔ 23 ویں دوحہ فورم سے خطاب میں ان کا کہنا تھا کہ اب تک کیے گئے اقدامات کو مکمل جنگ بندی نہیں کہا جا سکتا بلکہ یہ محض ایک عارضی وقفہ ہے۔شیخ محمد بن عبدالرحمٰن الثانی کے مطابق "ہم ایک اہم لمحے پر ہیں لیکن ابھی وہاں تک نہیں پہنچے۔” انہوں نے واضح کیا کہ…

فلسطینی مزاحمتی تحریک حماس نے مشروط طور پر غیر مسلح ہونے کا عندیہ دیتے ہوئے کہا ہے کہ اگر اسرائیل فلسطینی علاقوں سے قبضہ ختم کر دے تو تنظیم اپنے ہتھیار فلسطینی اتھارٹی کے سپرد کرنے کے لیے تیار ہے۔ ترک میڈیا کے مطابق حماس کے سینئر رہنما خلیل الحیہ نے بیان میں کہا کہ مزاحمتی قوت کا وجود اسرائیلی جارحیت سے منسلک ہے۔ ان کے بقول”ہمارے ہتھیار جارحیت کے ردِّعمل میں اٹھائے گئے، اگر قبضہ ختم ہوتا ہے تو یہ ہتھیار ریاست کے حوالے کر دیے جائیں گے۔” انہوں نے مزید کہا کہ حماس اقوام متحدہ کی نگرانی میں…

یونان کے جزیرے کریٹ کے قریب بحیرۂ روم میں تارکین وطن کی کشتی الٹنے سے 17 افراد ہلاک ہوگئے۔ اطراف میں طغیانی اور تیز لہروں کے باعث کشتی کو شدید نقصان پہنچا جس کے نتیجے میں حادثہ پیش آیا۔ یونانی کوسٹ گارڈ کے مطابق دو افراد زندہ حالت میں ملے جنہیں تشویشناک حالت میں اسپتال منتقل کر دیا گیا ہے۔ ابتدائی رپورٹ کے مطابق کشتی کو حادثہ کریٹ کے جنوب مغرب میں تقریباً 26 ناٹیکل میل دور پیش آیا۔ یہ نشاندہی ترکیہ کے ایک مال بردار جہاز نے کی، جس نے فوری طور پر یونانی حکام کو اطلاع دی اور…

دوحہ  — شام کے عبوری صدر احمد الشرع نے کہا ہے کہ دمشق اسرائیل کے ساتھ 1974ء کے فائر بندی معاہدے کی مکمل پاسداری چاہتا ہے، تاہم اسرائیلی پالیسی اور سرحدی اقدامات شام کو شدید سیکیورٹی خطرات سے دوچار کر رہے ہیں۔ ان کے مطابق اسرائیل کی جانب سے جنوبی شام میں ’حفاظتی زون‘ قائم کرنے کی کوشش نہ صرف معاہدے کی خلاف ورزی ہے بلکہ خطے کو نئے اور بڑے تنازع کی طرف دھکیل سکتی ہے۔ دوحہ فورم 2025 کے ابتدائی روز خطاب کرتے ہوئے احمد الشرع نے الزام لگایا کہ اسرائیل غزہ پر حملوں کے بعد اپنی عسکری…

ممبئی : بھارت کی سیاحتی ریاست گوا کے ایک نائٹ کلب میں خوفناک آتشزدگی کے نتیجے میں 25 افراد ہلاک جبکہ 6 زخمی ہوگئے۔ بھارتی میڈیا اور اے ایف پی کے مطابق آگ کا واقعہ شمالی ساحلی علاقے ارپورا میں نصف شب کے قریب پیش آیا، جہاں بڑی تعداد میں لوگ نئے سال سے قبل جشن منانے کے لیے موجود تھے۔ رپورٹ میں بتایا گیا کہ جاں بحق افراد میں غیر ملکی سیاح بھی شامل ہیں۔ وزیراعلیٰ کی تصدیق — عدالتی تحقیقات کا حکم گوا کے وزیراعلیٰ پرمود ساونت نے واقعے کی تصدیق کرتے ہوئے کہا کہ آج پوری ریاست…

سیکیورٹی فورسز نے بلوچستان کے ضلع قلات میں انٹیلی جنس کی بنیاد پر آپریشن کے دوران 12 بھارتی حمایت یافتہ دہشت گردوں کو ہلاک کر دیا۔ آئی ایس پی آر کے مطابق سیکورٹی فورسز نے 6 دسمبر کو قلات میں فتنۃ الہندوستان سے تعلق رکھنے والے دہشت گردوں کی موجودگی کی اطلاع پر آپریشن کیا، فورسز نے موٴثر طریقے سے دہشت گردوں کے ٹھکانے کا پتہ لگایا۔ شدید فائرنگ کے تبادلے میں 12 ہندوستانی اسپانسرڈ دہشت گردوں کو جہنم واصل کر دیا گیا، دہشت گردوں کے قبضے سے اسلحہ، گولہ بارود اور دھماکا خیز مواد بھی برآمد کر لیا گیا۔…