دبئی :دبئی میں اپریل کے دوران ’’ آرٹیفشل انٹیلی جنس ویک‘‘ منعقد کرنے کا اعلان کیا گیاہے۔
العربیہ کے مطابق ولی عہد، نائب وزیر اعظم اور وزیر دفاع اور دبئی فیوچر فاؤنڈیشن کے بورڈ آف ٹرسٹیز کے چیئرمین شیخ حمدان بن محمد بن راشد المکتوم نے دبئی میں 21 سے 25 اپریل کے دوران "ہفتہ مصنوعی ذہانت”کے انعقاد کی ہدایت کردی ہے۔
اس ہفتے کے پہلے سیشن میں بہت سے ایونٹس، کانفرنسز، اقدامات اور نمائشیں شامل کی جائیں گی۔ ان سرگرمیوں میں مصنوعی ذہانت کے مستقبل کے لیے دبئی کے ویژن کو پیش کیا جائے گا۔
یہ ایونٹ دبئی کی جانب سے منصوعی ذہانت کے استعمال کو تیز کرنے کے سالانہ منصوبے کے مطابق رکھا گیا ہے۔
’’ دبئی آرٹیفیشل انٹیلی جنس ویک‘‘ کی مرکزی تقریبات دبئی کے ایمریٹس ٹاورز میں واقع "میوزیم آف دی فیوچر” اور "ایریا 2071” میں منعقد ہوں گی۔ اپنی نوعیت کی اس پہلی تقریب کے ایجنڈے میں مختلف سرگرمیاں رکھی گئی ہیں۔۔
خاص طور پر "اے آئی ریٹریٹ” "دبئی اے آئی فورم،” ، ‘‘انٹرنیشنل AI چیلنج‘‘ اور ’’مشینز کین سی‘‘ سمٹ اہم ہوں گے۔دبئی میں ” آرٹیفیشل انٹیلی جنس ویک” کا اہتمام جون 2024 میں "دبئی فیوچر فاؤنڈیشن” کے زیر اہتمام "مصنوعی ذہانت ری ٹریٹ ” کی کامیابی کے بعد کیا گیا ہے۔
دبئی کے میوزیم آف دی فیوچر کی تقریب میں 1,000 سے زیادہ ماہرین شرکت کریں گے۔ حکومت، نجی شعبے، پالیسی ڈیزائنرز اور دنیا بھر سے مصنوعی ذہانت سے متعلق صنعتوں کے رہنما اپنے خیالات پیش کریں گے۔ ’’ آرٹیفیشل انٹیلی جنس ویک‘‘ کی مختلف تقریبات میں مصنوعی ذہانت کے آئیڈیاز، اس کے استعمال، استعمال کے علمبرداروں، اس کے ماہرین اور اس میں مہارت رکھنے والے ممتاز اداروں اور کمپنیوں کے عہدیداروں کی وسیع پیمانے پر شرکت ہوگی۔
