پاکستان سپر لیگج کے دسویں ایڈیشن کی چھ فرنچائزز نے ان کھلاڑیوں کے ناموں کا اعلان کردیا ہے جنہیں پی ایس ایل کے دسویں ایڈیشن میں انہوں نے برقرار رکھا ہے۔ اس بار فرنچائزز کے درمیان کھلاڑیوں کی ٹریڈز نہیں ہوئی ہے۔
پاکستان سپر لیگ 2025 کا ڈرافٹ 11 جنوری کو ہوگا جبکہ ایونٹ 8 اپریل سے 19 مئی تک کھیلا جائے گا۔
اس مرتبہ 19 ممالک کے 510 کھلاڑیوں نے پی ایس ایل کے ڈرافٹ کیلئے سائن کیا ہے۔
پی ایس ایل کے قواعد کے مطابق ہر فرنچائز کو اپنے سابقہ اسکواڈ میں سے 8 کھلاڑیوں کو برقرار رکھنے کی اجازت ہوتی ہے۔تین فرنچائزز نے مکمل طور پر ریٹینشن کا استعمال کیا ہے۔۔
کراچی کنگز ۔ملتان سلطانز اور پشاور زلمی نے سات سات کھلاڑی برقرار رکھے ہیں۔
اسلام آباد یونائیٹڈ
ایل پی ایس ایل تین بار جیتنے والی دفاعی چیمپئن اسلام آباد یونائٹڈ نے آٹھ کھلاڑی برقرار رکھے ہیں۔۔۔ ان میں کپتان اور گزشتہ ایونٹ کے پلیئر آف دی ٹورنامنٹ شاداب خان ۔نسیم شاہ ( پلاٹینم کیٹگری ) عماد وسیم ( مینٹور) اور اعظم خان ( ڈائمنڈ کیٹگری ) سلمان علی آغا ( برانڈ ایمبسیڈر کیٹگری) اور حیدر علی ( گولڈ کیٹگری) کالن منرو اور رومان رئیس ( سلور کیٹگری) شامل ہیں۔
ملتان سلطانز
گزشتہ ٹورنامنٹ کی رنر اپ ملتان سلطانز نے سات کھلاڑی برقرار رکھے ہیں جن میں محمد رضوان اور اسامہ میر (دونوں پلاٹینم کیٹگری) ڈیوڈ ولی ( مینٹور ) افتخار احمد ( برانڈ ایمبیسیڈر ) اور عثمان خان ( تینوں ڈائمنڈ کیٹگری) ۔ کرس جورڈن ( گولڈ کیٹگری) اور فیصل اکرم ( سلور کیٹگری) شامل ہیں۔
پشاور زلمی
پشاور زلمی نے سات کھلاڑی برقرار رکھے ہیں ان میں پی ایس ایل کی تاریخ میں سب سے زیادہ 3504 رنز بنانے والے بابراعظم اور صائم ایوب ( پلاٹینم ) محمد حارث ( ڈائمنڈ )، عارف یعقوب ۔مہران ممتاز اور سفیان مقیم ( برانڈ ایمبیسڈر) ( تینوں سلور ) اور علی رضا ( ایمرجنگ ) شامل ہیں۔
کوئٹہ گلیڈی ایٹرز
کوئٹہ گلیڈی ایٹرز نے آٹھ کرکٹرز برقرار رکھے ہیں ان میں ابرار احمد محمد عامر( مینٹور) رائلے روسو ( تینوں ڈائمنڈ ) اکیل حسین۔ سعود شکیل ( برانڈ ایمبیسڈر ) محمد وسیم جونیئر ( تینوں گولڈ ) خواجہ محمد نافع اور عثمان طارق (دونوں سلور ) شامل ہیں۔
کراچی کنگز
کراچی کنگز نے سات کھلاڑی برقرار رکھے ہیں ان میں حسن علی اور جیمز ونس ( ڈائمنڈ ) عرفان خان اور شان مسعود ( گولڈ) ۔ عرفات منہاس ( برانڈ ایمبیسیڈر ) ٹم سائفرٹ اور زاہد محمود ( تینوں سلور ) شامل ہیں۔
لاہور قلندرز
لاہور قلندرز نے آٹھ کھلاڑیوں کو برقرار رکھا ہےان میں شاہین شاہ آفریدی اور فخرزمان ( دونوں پلاٹینم ) حارث رؤف ( برانڈ ایمبیسڈر ) اورسکندر رضا ( دونوں ڈائمنڈ ) ۔عبداللہ شفیق ۔ جہانداد خان اور زمان خان ( تمام گولڈ ) اور ڈیوڈ ویزے ( سلور ) کے نام شامل ہیں
