اسرائیلی مذاکرات کار آج قطر کے دارالحکومت دوحہ پہنچیں گے، جہاں غزہ میں جنگ بندی کی بحالی کے لیے سفارتی کوششیں تیز ہو چکی ہیں۔
مصر، قطر اور امریکہ اس تنازعے کو روکنے کے لیے اسرائیل اور حماس کے درمیان امن مذاکرات میں اہم کردار ادا کر رہے ہیںمذاکرات کا بنیادی مقصد غزہ میں نازک جنگ بندی کی بحالی اور مستقل قیامِ امن کے لیے شرائط طے کرنا ہے۔اس بات چیت میں یرغمالیوں کی رہائی، انسانی امداد کی بحالی اور جنگ بندی میں توسیع جیسے اہم نکات زیرِ غور آئیں گے۔
یہ مذاکرات ایک ایسے وقت میں ہو رہے ہیں جب حالیہ دنوں میں اسرائیل اور حماس کے درمیان تناؤ بڑھ گیا تھا، اور پچھلے جنگ بندی معاہدے ناکام ہو چکے تھے۔اسرائیلی ذرائع کے مطابق، حکومت قلیل مدتی جنگ بندی کے بجائے ایک جامع اور دیرپا معاہدہ چاہتی ہے۔حماس نے واضح کیا ہے کہ وہ صرف ایسے معاہدے پر متفق ہو گی جو غزہ میں محاصرہ ختم کرنے اور انسانی امداد کی بحالی کی ضمانت دے۔
About The Author
