اسلام آباد : پاکستانی فضائی حدود کی بندش کےباعث بھارتی ایئرلائنزکا فلائٹ آپریشن معمول پر نہ آسکا۔
پہلگام واقعے کے بعد پاکستان کی جانب سے بھارتی طیاروں کے لیے فضائی حدود کی بندش کے چوتھے روز آج بھی بھارتی ائیر لائنز کا فلائٹ آپریشن بری طرح متاثر ہے۔
طویل فاصلوں سے دارالحکومت نئی دہلی اور امرتسر آمد کی 33 پروازوں میں 2 سے 9 گھنٹے کی تاخیر ہوئی ہے۔ بھارتی نائب صدر کی روم سے دہلی واپس لے جانے والی خصوصی پرواز کو بھی طویل مسافت کرنا پڑی۔
نیویارک، ٹورنٹو، ویانا اور لندن سے دہلی کی 8 پروازوں میں 3 سے 9 گھنٹے تاخیر ہوئی جبکہ دمام، فرینکفرٹ، برمنگھم، پیرس اور میلان سے دبئی کی پروازیں بھی تاخیر کا شکار ہوئیں۔
ایمسٹرڈم، کوپن ہیگن، واشنگٹن اور شکاگو سے دہلی کی پروازوں میں غیرمعمولی تاخیر ہوئی۔ تبلیسی، پیرس، جدہ، دوحہ اور تاشقند سے دہلی کی پروازوں میں بھی 2 سے 7 گھنٹے اور طویل روٹ سے لندن اور دبئی سے امرتسر کی پروازوں میں بھی 2گھنٹے تک تاخیر ہوئی۔
