پاکستان اوراٹلی کے مابین غیر قانونی امیگریشن روکنے،پاکستانی ورک فورس کو روزگار کی فراہمی کے حوالے سے معاہدے پر دستخط ہو گئے۔
وفاقی وزیر چوہدری سالک حسین اور اٹلی کے وزیر داخلہ میٹیو پینٹے ڈوسی نے معاہدے پر دستخط کیے۔۔
معاہدے کے تحت غیر قانونی امیگریشن روکنے کیلئے پاکستان اور اٹلی مشترکہ اقدامات کریں گے۔۔۔ پاکستانی ورکرز کے اٹلی میں حقوق کے تحفظ کے حوالے سے جامع فریم ورک بنایا جائے گا۔۔۔ پاکستان اور اٹلی غیر قانونی امیگریشن اور انسانی سمگلنگ روکنے کیلئے مشترکہ اقدامات کریں گے۔۔
معاہدے کے تحت پاکستانی ہنر مندوں کی ٹریننگ، بھرتی کیلئے لیبر موبیلیٹی کوریڈورز کا قیام عمل میں لایا جائےگا۔۔ پاکستانیوں کو اٹلی میں روزگار کیلئے ووکیشنل اور لینگویج ٹریننگ کیلئے پائلٹ موبیلیٹی پروگرامز شروع کیے جائیں گے۔۔
معاہدے میں کہا گیا ہے کہ پاکستان بیرون ممالک روزگار کے عمل کو سٹریم لائن کرنے کیلئے مائیگرنٹ ریسورس سینٹرز کا قیام عمل میں لائے گا۔۔ اٹلی پہلا یورپین ملک ہے جو پاکستانی ورک فورس لینے کیلئے براہ راست ایم او یو کر رہا ہے۔۔
چوہدری سالک حسین نے کہا کہ ایم او یو سے پاکستانیوں کیلئے یورپی ممالک میں روزگار کے مزید مواقع پیدا ہوں بے۔۔ 9 سال کی محنت کے بعد اٹلی کے ساتھ پاکستانی ورک فورس کی فراہمی کے حوالے سے ایم او یو نہایت اہمیت کا حامل ہے۔۔
معاہدے کے تحت اٹلی میں پاکستانیوں کیلئے نوکریوں میں سالانہ کوٹہ مختص کیا جائے گا۔۔اٹلی میں روزگار کے خواہاں پاکستانیوں کیلئے امیگریشن کا عمل آسان اور تیزرفتار بنایا جائے گا۔۔
وفاقی وزیر نے کہا پاکستانیوں کو جدید تکنیکی تعلیم کی فراہمی کیلئے اٹلی اور پاکستان کے متعلقہ اداروں کے مابین اشتراک کو فراغ دیا جائے گا۔۔ غیر قانونی امیگریشن روکنے کیلئے پاکستان اور اٹلی کے مابین مشترکہ ورکنگ گروپ تشکیل دیا جائے گا۔۔ پاکستان کنسٹرکشن، زراعت، ہاسپٹلٹی، ہیلتھ کئیر اور آئی ٹی کے شعبوں میں ہنر مند اور نیم ہنر مند ورک فورس اٹلی کو فراہم کرے گا۔۔
