سونے کے بھاؤ مسلسل دوسرے روز بھی کم ہوئے۔۔ جمعہ کو فی تولہ قیمت میں 1800 روپے کی کمی آئی۔
دو روز میں سونا 6000 روپے سستا ہو چکا ہے۔ جمعرات کو سونے کی قیمت میں 4200 روپے کمی ریکارڈ کی گئی تھی۔
آل پاکستان صرافہ جیولرز ایسوسی ایشن کے مطابق جمعے کو 24 قیراط سونے کی قیمت میں 1800 روپے کی کمی واقع ہوئی اور یہ 3 لاکھ 50 ہزار 900 روپے میں فروخت ہوا، جبکہ گزشتہ روز اس کی قیمت 3 لاکھ 52 ہزار 700 روپے تھی۔
24 قیراط کے 10 گرام سونے کی قیمت بھی 1543 روپے کم ہو کر 3 لاکھ 840 روپے ہوگئی، جو گزشتہ روز 3 لاکھ 2 ہزار 383 روپے تھی جبکہ 22 قیراط کے 10 گرام سونے کی قیمت 1414 روپے کم ہو کر 2 لاکھ 75 ہزار 780 روپے ہوگئی، جو گزشتہ روز 2 لاکھ 77 ہزار 194 روپے تھی۔
دوسری جانب ایک تولا اور 10 گرام چاندی کی قیمتیں بالترتیب 3 ہزار 417 روپے اور 2 ہزاار 929 روپے پر برقرار رہیں۔
ایسوسی ایشن کے مطابق بین الاقوامی مارکیٹ میں سونے کی قیمت بھی 18 ڈالر کی کمی کے ساتھ 3 ہزار 325 ڈالر ہوگئی جو گزشتہ روز 3 ہزار 343 ڈالر تھی، جبکہ چاندی کی قیمت 32.35 ڈالر پر مستحکم رہی۔
