یورپی یونین نے براعظم کی سلامتی اور دفاعی صنعت کو مضبوط بنانے کے لیے 150 ارب یورو کے "سیف ڈیفنس فنڈ” (SAFE) کے قیام پر اصولی اتفاق کر لیا ہے۔ یہ فیصلہ یوکرین میں جاری جنگ اور دنیا بھر میں بدلتے سیکیورٹی منظرنامے کے تناظر میں کیا گیا ہے۔
یہ فنڈ یورپی یونین کے رکن ممالک کے ساتھ ساتھ یوکرین جیسے قریبی شراکت دار ممالک کی مدد کرے گا تاکہ وہ اپنی دفاعی صلاحیتیں بڑھا سکیں اور یورپ کو اسٹریٹجک خودمختاری کی جانب لے جا سکیں۔
SAFE فنڈ: یورپ کی سلامتی کا اجتماعی قدم
یورپی یونین کے ایک اعلیٰ سفارت کار کے مطابق”SAFE یورپ کی سلامتی، صنعتی طاقت اور اسٹریٹجک لچک میں اجتماعی سرمایہ کاری ہے۔”
یہ فنڈیورپی دفاعی پیداوار میں اضافے،جدید ٹیکنالوجی میں سرمایہ کاری اور مشترکہ سرحد پار دفاعی منصوبوں کی مالی مدد کرے گا۔
یہ پروگرام یورپی کمیشن نے مارچ میں تجویز کیا تھا اور اب اسے مشترکہ قرضے (Joint Borrowing Mechanism) کے ذریعے مالی اعانت دی جائے گی۔
یوکرین، کلیدی مستفید ملک
SAFE فنڈ کا ایک اہم پہلو یوکرین کے لیے مخصوص معاونت ہے، جو اس وقت روسی جارحیت کا سامنا کر رہا ہے۔ یورپی حکام کے مطابق:”یہ فنڈ یوکرین کی فرنٹ لائن پر دفاعی کوششوں کو پورے براعظم کے استحکام سے جوڑنے میں مدد دے گا۔”
سیاسی حمایت اور آئندہ مراحل
- SAFE فنڈ کو یورپی دارالحکومتوں میں بھرپور سیاسی حمایت حاصل ہے۔
- اس کا مقصد یورپی یونین کو غیر ملکی ہتھیار فراہم کرنے والوں پر انحصار سے آزاد بنانا ہے۔
- آئندہ ہفتوں میں اس کے عملدرآمد کے فنی خدوخال کو حتمی شکل دی جائے گی۔
فنڈ کو یورپی پارلیمنٹ اور قومی پارلیمانوں سے باضابطہ منظوری کے بعد مکمل اختیار حاصل ہوگا، جو کہ سال 2025 کے اختتام سے قبل متوقع ہے۔
SAFE – یورپ کی خود مختار دفاعی حکمت عملی کی طرف پہلا بڑا قدم؟
SAFE ڈیفنس فنڈ کو یورپی یونین کے لیے ایک "گیم چینجر” تصور کیا جا رہا ہے۔ اس سے نہ صرف براعظم کی داخلی سیکیورٹی میں بہتری آئے گی بلکہ مقامی دفاعی صنعتوں کو فروغ ,ٹیکنالوجی میں خود انحصاری اور روس جیسے خطرات سے نمٹنے کی صلاحیت میں اضافہ ممکن ہو سکے گا۔یہ اقدام یورپ کے لیے امریکی سیکیورٹی انحصار سے ہٹ کر "اسٹریٹجک خودمختاری” کی عملی شکل بھی ہے۔
About The Author
