لاہور : بین الاقوامی کھیلوں میں پاکستان کے لیے پہلا گولڈمیڈل جیتنے والے پہلوان دین محمد انتقال کرگئے۔
دین محمد پہلوان کے بیٹے نے ان کے انتقال کی تصدیق کر دی۔دین محمد اس سال فروری میں 100 سال کے ہوئے تھے، دین محمد پہلوان کو نماز جنازہ کے بعد لاہور کے علاقے باٹاپور میں سپرد خاک کردیا گیا۔
واضح رہے کہ دین محمد نے 1955 میں ایشین گیمز میں پاکستان کی تاریخ کا پہلا گولڈ میڈل جیتا تھا، اس کامیابی نے دنیائےکھیل میں پاکستان کی الگ شناخت متعارف کروائی۔
صوبائی وزیر کھیل ملک فیصل ایوب کھوکھر نے ان کے انتقال پر تعزیت کا اظہار کیا ہے۔
