بھارت میں فضائی حادثات معمول بن گئے۔۔ بھارتی فضائیہ کے لڑاکا طیارے فضا میں تباہ ہو رہے ہیں۔۔ اس سال کے سات ماہ میں اب تک بھارتی فضائیہ کے 5 جنگی طیارے حادثے کا شکار ہو چکے ہیں۔
ریاست راجستھان میں بھارتی ائیرفورس کا لڑاکا طیارہ گرکر تباہ ہوگیا۔
ائیر فورس کا جیگوار طیارہ راجستھان کے شہر چھرو میں گرکر تباہ ہوا جس کے نتیجے میں طیارے کا پائلٹ ہلاک ہوگیا جب کہ 2 لوگوں کے زخمی ہونے کی اطلاع ہے۔
مقامی افراد کا بتانا ہے کہ جائے حادثہ پر زور دار دھماکے کے بعد دھواں اٹھتے دیکھا گیا جس کے بعد مقامی لوگ اور ریسکیو حکام حادثے کی جگہ پر پہنچے۔
ائیر فورس حکام نے بھی راجستھان میں جیگوار لڑاکا طیارہ گرنےکی تصدیق کی ہے۔
رواں سال یہ تیسرا بھارتی جیگوار طیارہ ہے جو گر کر تباہ ہوا اور اس سے قبل ایک طیارہ مارچ اور ایک اپریل میں بھی گر کر تباہ ہوا تھا۔
