اسلام آباد — وزیراعظم شہباز شریف اور وزیراعلیٰ پنجاب مریم نواز نے پنجاب میں شدید سیلاب سے متاثرہ علاقوں کا دورہ کیا اور فضائی جائزہ لیتے ہوئے ریلیف آپریشنز کا معائنہ کیا۔
این ڈی ایم اے کی بریفنگ
وزیراعظم کے ہمراہ فضائی جائزے کے دوران چیئرمین این ڈی ایم اے لیفٹیننٹ جنرل انعام حیدر نے سیلابی صورتحال، دریاؤں میں طغیانی اور متاثرہ بستیوں میں جاری ریسکیو آپریشن کے بارے میں تفصیلی بریفنگ دی۔
وزیراعظم کو بتایا گیا کہ ریسکیو اور ریلیف ٹیمیں مسلسل کارروائیاں جاری رکھے ہوئے ہیں جبکہ متاثرہ خاندانوں کو محفوظ مقامات پر منتقل کرنے کے لیے تمام وسائل بروئے کار لائے جا رہے ہیں۔
وزیراعظم کی ہدایات
شہباز شریف نے متعلقہ اداروں کو ہدایت دی کہ:
- سیلاب متاثرین کی فوری امداد اور محفوظ مقامات پر منتقلی یقینی بنائی جائے۔
- ریسکیو آپریشن کو مزید تیز کیا جائے۔
- ریلیف کی فراہمی میں کسی قسم کی کوتاہی نہ برتی جائے۔
نارووال میں بریفنگ
بعد ازاں نارووال پہنچنے پر وزیراعظم اور وزیراعلیٰ کو متاثرین کی امداد، بحالی کے اقدامات اور آئندہ کے لائحہ عمل پر تفصیلی بریفنگ دی جائے گی۔
حکومتی ذرائع کے مطابق وزیراعظم اور وزیراعلیٰ پنجاب جلد متاثرہ علاقوں میں زمینی دورے بھی کریں گے تاکہ براہِ راست متاثرہ خاندانوں سے ملاقات کی جا سکے اور ریلیف سرگرمیوں کا جائزہ لیا جا سکے۔
About The Author
