ملک کے چار صوبوں میں مون سون کی بارشوں اور سیلاب سے اگست کے ٹیکس ریونیو میں 50 ارب روپے کے شارٹ فال کا خدشہ ہے۔۔۔
اگست کیلئے ٹیکس ریونیو کا ہدف 950 ارب روپے ہے۔۔ ایف بی آر ذرائع کا کہنا ہے کہ سیلاب اور بارشوں سے صنعتی، تجارتی اور کاروباری سرگرمیاں متاثر ہوئی ہیں جس کے باعث ٹیکس ریونیو میں کمی کا اندیشہ ہے۔۔
ذرائع کے مطابق سیلابی صورت حال سے کاروباری سرگرمیاں، رئیل اسٹیٹ سیکٹر بھی متاثر ہوا ہے۔۔
جولائی 2025 میں 748 ارب ہدف کے مقابلے 754 ارب روپے ٹیکس جمع کیا گیا تھا۔۔
اگست میں 950 ارب روپے اور ستمبر میں 1300 ارب اکھٹے کرنے کا ہدف یے۔۔حالیہ چند دنوں میں کسٹمز ڈیپارٹمنٹ میں گڈز ڈکلیئریشنز میں کمی آئی۔۔ آنے والوں دنوں میں تعمیراتی سرگرمیاں بحال ہونے سے ریونیو میں اضافے کا امکان ہے۔۔
رواں مالی سال ٹیکس وصولی کا مجموعی ہدف 14 ہزار 131 ارب روپے رکھا گیا ہے۔۔
