خطے کی صورتحال اور موسمی حالات کی وجہ سے رواں برس پاکستان میں کوہ پیماؤں کی آمد میں کمی واقع ہوئی ہے۔
الپائن کلب کے مطابق رواں برس صرف 270 کوہ پیماؤں نے مختلف چوٹیوں کو سر کرنے کیلئے پاکستان کا رخ کیا، اس کے مقابلے میں گزشتہ سال 2 ہزار سے زائد کوہ پیما مختلف چوٹیوں کو سر کرنے پاکستان آئے تھے۔
دوسری جانب رواں برس صرف 40 کوہ پیماؤں نے کے ٹو اور 25 نے نانگا پربت سر کیا۔
پاکستاں میں 8 ہزار میٹر سے بلند 5 چوٹیاں موجود ہیں، مختلف کوہ پیما ہر سال کے ٹو ، نانگا پربت، براڈ پیک، گیشربرم ون اور گیشربرم ٹو سر کرنے پاکستان آتے ہیں۔
اس حوالے سے الپائن کلب کا مؤقف ہے کہ کوہ پیماؤں کی آمد میں کمی کی وجہ موسمیاتی تبدیلی کے اثرات اور خطے کی صورتحال ہے، رواں سال موسمی حالات کی وجہ سے اکثر کوہ پیماؤں کی ٹیمیں اپنا مشن مکمل نہ کرسکیں ۔
الپائن کلب کے مطابق پاک بھارت کشیدگی اور ایران ، اسرائیل جنگ نے بھی کوہ پیماؤں کی تعداد کو متاثر کیا۔
