ٹی ٹوئنٹی ورلڈکپ کے بعد دورۂ بنگلہ دیش کیلئے اسکواڈ میں بڑی تبدیلیوں کا امکان -

لاہور – ٹی ٹوئنٹی ورلڈکپ میں ناقص کارکردگی کے بعد دورۂ بنگلہ دیش کے لیے قومی اسکواڈ میں اہم تبدیلیوں کا امکان ظاہر کیا جا رہا ہے۔

ذرائع کے مطابق اوپنر صائم ایوب اور آل راؤنڈر محمد نواز کو دورۂ بنگلہ دیش کے اسکواڈ سے ڈراپ کیے جانے کا امکان ہے۔ تاہم بابراعظم، شاہین شاہ آفریدی، محمد رضوان، حارث رؤف اور نسیم شاہ بدستور ٹیم کا حصہ رہیں گے۔

اطلاعات ہیں کہ صائم ایوب کی جگہ حسن کو اسکواڈ میں شامل کیے جانے پر غور کیا جا رہا ہے۔

اسپن ڈیپارٹمنٹ میں ابرار احمد کے ساتھ فیصل اکرم کو برقرار رکھنے کا فیصلہ کیا گیا ہے، جبکہ پریزیڈنٹ کپ میں سب سے زیادہ وکٹیں لینے والے سفیان مقیم کو زیرِ غور نہیں لایا گیا۔

مزید برآں سعد مسعود بھی ون ڈے اسکواڈ میں شمولیت کے امیدوار قرار دیے جا رہے ہیں۔

ذرائع کا کہنا ہے کہ نظرثانی شدہ اسکواڈ کا باضابطہ اعلان آئندہ ایک یا دو روز میں متوقع ہے، جس کے بعد دورۂ بنگلہ دیش کی تیاریوں کو حتمی شکل دی جائے گی۔