لاہور: پاکستان اور جنوبی افریقا کے درمیان سیریز کے لیے وینیوز کو حتمی شکل دیدی گئی۔
ذرائع کے مطابق جنوبی افریقا سیریز کے خلاف سیریز کے میچز لاہور، راولپنڈی اور فیصل آباد میں ہوں گے۔
کرکٹ جنوبی افریقا کی ریکی ٹیم نے بھی ان تینوں وینیوز کا دورہ کیا تھا۔
ذرائع کا بتانا ہے کہ فیصل آباد میں وائٹ بال سیریز کے میچز ہوں گے، فیصل آباد 2008 کے بعد انٹرنیشنل میچز کی میزبانی کرے گا۔
جنوبی افریقا کا ٹیسٹ اسکواڈ اکتوبرکے پہلے ہفتے میں لاہور پہنچے گا، ٹیسٹ میچز لاہور اور راولپنڈی میں ہوں گے، دونوں ٹیموں کے درمیان پہلا ٹیسٹ لاہور میں 12 اکتوبر سے شروع ہو گا۔
ذرائع کا کہنا ہے کہ پاکستان اور جنوبی افریقا کے درمیان سیریز کے شیڈول کا باضابطہ اعلان جلد متوقع ہے۔
