درابن میں سیکیورٹی فورسزکی کارروائی میں بھارتی حمایت یافتہ 13خوارج ہلاک

ستمبر 24, 2025ستمبر 24, 2025byEditor

ڈیرہ اسماعیل خان میں سیکیورٹی فورسز نے خفیہ اطلاعات پر کارروائی کرتے ہوئے بھارتی حمایت یافتہ 13 دہشتگردوں کو ہلاک کر دیا ۔

آئی ایس پی آر کے مطابق آپریشن درابن میں خفیہ اطلاعات کی بنیاد پر کیا گیا ، ہلاک دہشتگردوں سے بڑی تعدادمیں ہتھیار اور بارودی مواد برآمد کیا گیاہے ، مارے گئے دہشتگرد درابن میں دہشتگردی کی کئی کارروائیوں میں ملوث تھے، ہلاک خوارج درابن میں دسمبر2023ء کے خودکش حملے میں سہولت کاری میں ملوث تھے، یہ دہشتگردسرکاری اہلکاروں اور معصوم شہریوں کے اغوا اور ٹارگٹ کلنگ میں بھی ملوث تھے۔

علاقے میں خارجی دہشتگردوں کی ممکنہ موجودگی کے پیش نظر سینیٹائزیشن آپریشن جاری ہے ، سیکیورٹی فورسز بھارتی حمایت یافتہ دہشتگردی کے مکمل خاتمے کیلئے پر عزم ہے