نوم پنہ — کمبوڈیا نے اعلان کیا ہے کہ 15 جون تا 15 اکتوبر 2026 تک چینی شہریوں کے لیے ویزا فیس معاف کی جائے گی۔
شنہوا کے مطابق، اس حوالے سے کونسل آف منسٹرز کے مستقل سیکرٹری آف سٹیٹ ہنگ تھوراژی نے نوٹیفیکیشن جاری کیا ہے۔ اس کے تحت چینی شہری اس چار ماہ کے دوران کمبوڈیا میں ویزا کے بغیر 14 روز تک قیام کر سکیں گے اور انہیں کسی قسم کی فیس ادا کرنے کی ضرورت نہیں ہوگی۔ مسافر صرف ای رائیول کارڈ پُر کرکے ملک میں داخل ہو سکیں گے، اور اس مدت کے دوران وہ متعدد بار کمبوڈیا کا سفر بھی کر سکتے ہیں۔
نوٹیفیکیشن میں کہا گیا ہے کہ کمبوڈیا کی وزارتِ خارجہ اور بین الاقوامی تعاون کو چین کے ساتھ مذاکرات کی اجازت دی گئی ہے تاکہ کمبوڈیائی شہریوں کے لیے چین کے ویزا کے حصول کے طریقہ کار کو آسان بنایا جا سکے اور مستقبل میں باہمی ویزا فیس معافی کے معاہدے کا راستہ ہموار کیا جا سکے۔
پیسیفک ایشیا ٹریول ایسوسی ایشن، کمبوڈیا چیپٹر کے چیئرمین تھورن سینان نے اس اقدام کا خیرمقدم کرتے ہوئے کہا کہ اس سے چینی سیاحوں، تاجروں اور سرمایہ کاروں کی تعداد میں اضافہ ہوگا اور انہوں نے امید ظاہر کی کہ یہ فیصلہ کمبوڈیا کی سیاحت کے لیے مثبت نتائج لے آئے گا۔
