ضلع خیبر میں پاک افغان سرحد کے مختلف مقامات پر پاک فوج اور افغان فورسز کے درمیان دوطرفہ فائرنگ کا تبادلہ جاری ہے۔ سیکیورٹی ذرائع کے مطابق جھڑپیں بازار ذخہ خیل کے علاقوں مارو سر اور شاہ کوٹ سر میں ہو رہی ہیں جہاں دونوں جانب سے بھاری ہتھیاروں کا استعمال کیا جا رہا ہے۔
ذرائع کا کہنا ہے کہ فائرنگ کا سلسلہ شام پانچ بج کر پندرہ منٹ پر شروع ہوا جو وقفے وقفے سے جاری ہے، جس کے باعث سرحدی علاقوں میں کشیدگی میں اضافہ ہو گیا ہے۔
ابتدائی اطلاعات کے مطابق فوری طور پر کسی جانی نقصان کی اطلاع موصول نہیں ہوئی تاہم صورتحال بدستور کشیدہ ہے اور سیکیورٹی فورسز الرٹ ہیں۔
مزید تفصیلات موصول ہونے پر خبر کو اپ ڈیٹ کیا جائے گا۔
About The Author
