لاہور – پاکستان کرکٹ بورڈ نے Pakistan Super League کے گیارہویں ایڈیشن کے مجوزہ شیڈول کا اعلان کر دیا ہے، جس کے مطابق ایونٹ کا آغاز 26 مارچ کو لاہور میں ہوگا۔ افتتاحی میچ میں Lahore Qalandars اور Hyderabad Kingsmen آمنے سامنے ہوں گے۔
ذرائع کے مطابق ٹورنامنٹ کے ابتدائی مرحلے میں ہر ٹیم مجموعی طور پر 7 میچز کھیلے گی۔ اس مرحلے کے بعد ٹیموں کو دوسرے مرحلے کے لیے دو گروپس میں تقسیم کیا جائے گا، جہاں ہر ٹیم مزید تین میچز کھیلے گی۔ اس طرح پلے آف مرحلے سے قبل ہر ٹیم کے کل میچز کی تعداد 10 ہو جائے گی۔
دوسرے مرحلے کے پہلے گروپ میں Lahore Qalandars، Quetta Gladiators، Karachi Kings اور Hyderabad Kingsmen شامل ہوں گے۔ جبکہ دوسرے گروپ میں Islamabad United، Rawalpindi، Peshawar Zalmi اور Multan Sultans کو رکھا گیا ہے۔
پلے آف مرحلے کا آغاز 28 اپریل سے ہوگا۔ پہلا کوالیفائر میچ 28 اپریل کو Rawalpindi میں کھیلا جائے گا، جبکہ پہلا ایلیمنیٹر 29 اپریل کو Lahore میں ہوگا۔ ذرائع کے مطابق دوسرا ایلیمنیٹر یکم مئی کو لاہور میں کھیلا جائے گا۔
ٹورنامنٹ کا فائنل 3 مئی کو لاہور میں منعقد ہوگا، جہاں دونوں بہترین ٹیمیں ٹائٹل کے لیے مدِ مقابل ہوں گی۔ پی ایس ایل 11 کے اس فارمیٹ سے شائقینِ کرکٹ کو سنسنی خیز مقابلوں کی توقع ہے۔
About The Author
